Takim i Kryeministrit Zaev me ambasadoren e Portugalisë, Pina: Maqedonia e Veriut punoi dhe duhet të jetë pjesë e familjes së BE-së, mbështetje e fuqishme nga Portugalia

vull

Kryetari i Qeverisë së Republikës së Maqedonisë së Veriut, Zoran Zaev, u takua me Marija Virzhinja Pina, ambasadore e Portugalisë për shtetin tonë.

Në takim u përcoll mbështetje e fuqishme nga Portugalia dhe nga kryesimi portugez për europerspektivat e vendit tonë. U kumtua se Portugalia, si shtet që ndërton ura, veçanërisht i respekton politikat e Kryeministrit Zaev dhe të Qeverisë – krijimin e zgjidhjeve, në vend të problemeve. Ky, siç u konstatua, është rasti me zhvillimin e raporteve të mira fqinjësore me Greqinë dhe Bullgarinë, por edhe proceset reformuese në plan vendor, për shkak të të cilave, Portugalia, si vend që kryeson me Këshillin e BE-së, vlerëson se Republika e Maqedonisë së Veriut duhet të jetë pjesë e familjes së BE-së.

Kryeministri Zaev shprehu falënderim të madh për investimet dhe angazhimet e Portugalisë, në kuadër të kryesimit portugez, për vazhdimin e procesit për zgjerimin e BE-së, përmes zgjidhjeve kreative, të cilat vendi ynë i vlerëson si bazë e mirë në zhvillimin e raporteve me Republikën e Bullgarisë.

“Treguam si shtet se jemi demokraci funksionale multietnike, që është fuqishëm e përcaktuar drejt vlerave evropiane. Mbështetja e vendeve anëtare të BE-së është shumë e rëndësishme për ne. Por, qëndrimi ynë është se për atë që është punuar, është koha të jepet mirënjohje përmes një hapi konkret në rrugën tonë të integrimit evropian”, tha Kryeministri Zaev.

Në takim bashkërisht u konstatua se ekzistojmë baza të mira për bashkëpunim më të thellë dypalësh mes Maqedonisë së Veriut dhe Portugalisë dhe për avancimin e marrëdhënieve në ekonomi, kulturë, politika sociale.

Next Post

Dekani i FTUU-së, Prof. Dr. Xhezair Idrizi, e vizitoi Universitetin e Pejës “Haxhi Zeka”

Një delegacion i Fakultetit të Teknologjisë Ushqimore dhe të Ushqyerit i Universitetit të Tetovës, i kryesuar nga Dekani, Prof. Dr. Xhezair Idrizi, i shoqëruar nga Prof. Dr. Gafur Xhabiri dhe sekretari i këtij fakulteti, Mr. Sc. Vigan Sulejmani, (17. 6. 2021), e vizituan Universitetin e Pejës “Haxhi Zeka”. Gjatë kësaj […]

Subscribe US Now

%d bloggers like this: