Takimi i parë i përbashkët i komisioneve nacionale për UNESCO të R. së Maqedonisë së Veriut dhe R. së Shqipërisë

vull

Komisionet Nacionale për UNESCO,të R. së Maqedonisë së Veriut dhe R. së Shqipërisë,nesër më 12 korrik në Ohër,do të zhvillojnë seancën e parë të përbashkët.Takimi i punës do të koordinohet nga dy ministret e kulturës të të dy vendeve,Irena Stefoska dhe Elva Margariti,të cilat janë gjithashtu kryetare të Komisioneve Nacionale për UNESCO.

Në seancën kushtuar koordinimit të ardhshëm në kontekstin e menaxhimit të përbashkët me Rajonin e Ohrit,në përputhje me udhëzimet e fundit të raportit të Misionit reaktiv të UNESCO-s,do të marrin pjesë edhe Ministri i Mjedisit dhe Planifikimit Hapësinor të R. së Maqedonisë së Veriut,Naser Nuredini dhe homologu i tij shqiptar,Ministri i Turizmit dhe Mjedisit,Blendi Klosi.

Në seancë do të diskutohet për Projekt-Vendimin e Komitetit për Trashëgimi Botërore të UNESCO-s,për “Trashëgiminë Kulturore dhe Natyrore të Rajonit të Ohrit” dhe do të përcaktohen përparësitë dhe hapat e ardhshëm për veprim të përbashkët.Është paraparë edhe të nënshkruhet një deklaratë e përbashkët që synon ruajtjen e statusit të Trashëgimisë Botërore të Rajonit të Ohrit.

Në takim,ministret e kulturës,Stefoska dhe Margariti,do të nënshkruajnë një Program për bashkëpunim në fushën e kulturës ndërmjet Ministrisë së Kulturës të R. së Maqedonisë së Veriut dhe Ministrisë së Kulturës të R. së Shqipërisë,për periudhën nga viti 2021 deri më vitin 2026.

Next Post

Fatih Qaili - Aleanca për Shqiptarët :Pas një dekade zvarritje e keqpërdorime, u rihap Teatri i Shkupit

Më në fund, pas një dekade zvarritje e keqpërdorime, përfundimisht rihapet Teatri i Shkupit. Urime të gjithë artistëve dhe artdashësve, atyre që për një dekadë e kanë pritur këtë ditë dhe për aq kohë u është ndaluar hyrja në këto dyer. Sot jemi këtu për t’ju thënë se u ndalohet […]

Subscribe US Now

%d bloggers like this: