Zaev dhe Bytyqi në Konfederatën e Biznesit: Qeveria është gjithmonë partner konstruktiv për bashkëpunim kur bëhet fjalë për zgjidhje inovative në punën ekonomike-financiare

vull

Kryetari i Qeverisë së Republikës së Maqedonisë së Veriut, Zoran Zaev, bashkë me zëvendëskryetarin e Qeverisë i ngarkuar për çështje ekonomike, koordinim të resorëve ekonomik dhe investime, Fatmir Bytyqi, pranuan delegacionin e Konfederatës së Biznesit të Maqedonisë, të udhëhequr nga kryetari ekzekutiv, Mile Boshkov.

Përfaqësuesit e Konfederatës së Biznesit në takim prezantuan model për zgjidhjen ndërmjet kompanive, gjegjësisht për zgjidhje më efikase të çështjes së borxhit të brendshëm mes subjekteve të biznesit, i cili, duke harmonizuar sistemin mes institucioneve financiare përgjegjëse për këto çështje, mund të marrë pjesë në zvogëlimin e borxhit publik të brendshëm.

Kryeministri Zaev dhe zëvendëskryeministri Bytyqi e përshëndetën këtë iniciativë të Konfederatës së Biznesit dhe theksuan se propozimet që vijnë drejtpërdrejt nga komuniteti i biznesit janë gjithmonë të mirëseardhura, veçanërisht kur bëhet fjalë për përmirësimin e punës financiare të kompanive.

Kryetari i Qeverisë Zoran Zaev theksoi se propozimet për përmirësimin e punës financiare, siç është propozimi për rregullimin më efikas të marrëdhënieve kreditore-debitore mes kompanive dhe mes tyre dhe sektorit publik, gjithashtu nënkupton rritjen e bazës së tatimeve, të ardhurat e reja që marrin pjesë në PBB-në e vendit, si dhe uljen e evazionit fiskal dhe se komuniteti i biznesit në Qeveri gjithmonë ka një partner konstruktiv për bashkëpunim kur bëhet fjalë për zgjidhje inovative në operacionet ekonomike dhe financiare.

Next Post

Zeka: Gjykata e Hagës do ta arr estojë një personalitet nga Maqedonia

Gazetari i njohur nga Kosova, Milaim Zeka në një debat në TV kanal10 ka thënë se nga Gjykata e Hagës do të arr estoj edhe një personalitet nga Maqedonia. Ai nuk ka përmendur emra, por ka potencuar se do të arr estohet edhe shumë shokë të tij nga Dhomat Specializuara […]

Subscribe US Now

%d bloggers like this: