Zaev në takim me Kryeministrin e Luksemburgut, Betel

vull

Kryetari i Qeverisë së Republikës së Maqedonisë së Veriut, Zoran Zaev, bashkë me ministrin e Financave Fatmir Besimi, në kuadër të vizitës së punës në Luksemburg, sot realizoi takim me Kryeministrin e këtij vendi Ksavier Betel.

Në takimin me Betel, Kryeministri Zaev theksoi se Luksemburgu, si një prej përfaqësuesve më të zëshëm për zgjerimin e BE-së, është partner i afërt i Maqedonisë së Veriut dhe zë i rëndësishëm në Komisionin Evropian për vendin tonë për fillimin e negociatave për anëtarësim në BE.

Kryetari i Qeverisë së Maqedonisë së Veriut, Zaev, e vlerësoi si parimor qëndrimin e Luksemburgut lidhur me veton bullgare si çështje për të cilën nuk mund të negociohet sepse çështjet e identitetit dalin nga e drejta e vetëpërcaktimit.

Kryeministri Betel në takim theksoi se pas të gjitha vendimeve të cilat i miratuan Kryeministri Zaev dhe Maqedonia e Veriut, ky shtet e meriton vendin në BE dhe e ftoi Kryeministrin Zaev që rreth temave në interes të të dyja vendeve, siç janë nxitja e bashkëpunimit të tërësishëm ekonomik mes dy vendeve, si dhe mundësitë për investime të huaja të drejtpërdrejta të kompanive nga Luksemburgu në Maqedoninë e Veriut, të bisedojnë gjatë shëtitjes në qytet.

Next Post

NPK-ja: Rrëshqitje të dheut në Leshnicë, shkak tërmeti, një pjesë e Tetovës sërish pa ujë

Ndërmarrja Publike Komunale e Tetovës bënë të ditur se sërish është shfaqur defekt në ujësjellësin në vendin e quajtur Leshnicë, ja arsyeja e tyre: Të nderuar qytetarë, Si rezulltat dridhjeve seizmologjike të tokës (tërmet) kemi rëshqitje të dheut në linjën e Leshnicës ku është paraqitur defekt në gypin kryesor fi-500. […]

Subscribe US Now

%d bloggers like this: