Shkup, 7 shtator – Sot zv.kryeministri për çështje ekonomike, Fatmir Bytyqi ka realizuar takim me përfaqësuesit e Lidhjes së Odave Ekonomike, të udhëhequr nga kryetarja Danela Arsovska.
Ky takim është realizuar me qëllim që të vazhdohet dialogu mes qeverisë dhe sektorit të biznesit për të krijuar politika dhe masa për zhvillimin e ekonomisë së re.
Në takim janë propozuar masat konstruktive të cilat do të meren parasysh gjatë krijimit të pakos së katërt të masave për të mbështetur ekonominë dhe qytetarët.
“Në mënyrë që të vazhdoj dialogun në mes Qeverisë dhe sektorit të biznesit për të krijuar politika dhe masa për zhvillimin e ekonomisë së re dhe të qëndrueshme të Maqedonisë Veriore, sot kisha nderin të takohem me përfaqësuesit e Lidhjes së Odave Ekonomike të udhëhequr nga kryetarja Danela Arsovska.
I diskutuam të gjitha propozimet konstruktive që do t’i marrim parasysh gjatë krijimit të pakos së katërt të masave për të mbështetur ekonominë dhe qytetarët, duke u fokusuar në atë se si do të adresohen më mirë nevojat e grupeve më të prekura, për të kapërcyer sfidat e krizës socio-ekonomike të shkaktuar nga KOVID-19″, ka njoftuar zv.kryeministri Bytyqi.
You must be logged in to post a comment.