Zëvendëskryeministri Bytyqi në takimin me ambasadoren rumune Aksinte – Rumania mbështet plotësisht Maqedoninë e Veriut në procesin e eurointegrimit, që të thellohet bashkëpunimi ekonomik

vull

Zëvendëskryeministri përgjegjës për çështje ekonomike, koordinim me resorët ekonomikë dhe investimet, Fatmir Bytyqirealizoi takim me ambasadoren e sapoemëruar të Republikës së Rumanisë, Ekselencën e Saj, Adela Monika Aksinte, me të cilën u bisedua për procesin e eurointegrimit të Republikës së Maqedonisë së Veriut dhe bashkëpunimin potencial ekonomik midis dy vendeve.

Zëvendëskryeministri Bytyqi uroi Aksinten për pozicionin e saj të ri, duke i dëshiruar sukses dhe shprehi shpresë për thellimin e bashkëpunimit ekonomik midis dy vendeve, por edhe mbështetje nga Rumania, si një nga anëtarët më të rinj të BE, për të shkëmbyer përvoja sidomos në integrimin ekonomik me BE-në.

Ambasadorja Aksinte përkujtoi se këtë vit shënohet 20 vjetori i vendosjes së marrëdhënieve bilaterale midis Maqedonisë së Veriut dhe Rumanisë, kurse theksoi se kulmi i prioriteteve gjatë mandatit të saj do të jetë pikërisht thellimi i marrëdhënieve ekonomike. Ajo shtoi se Maqedonia e Veriut mund të presë mbështetje të plotë në procesin e eurointegrimit nga Rumania, në çdo aspekt të mundshëm.

Zëvendëskryeministri theksoi se ka potencial të madh për rritjen e bashkëpunimit, duke potencuar disa sektorë, siç janë investimet e mundshme në prodhimtari nga ndërmarrjet rumune në vend, por edhe pjesëmarrjen e mundshme të kompanive nga ky vend në realizimin e projekteve të infrastrukturës, energjetikës, bujqësisë.

Qeveria e Republikës së Maqedonisë së Veriut krijon parashikueshmëri të plotë, tha zëvendëskryeministri dhe shtoi krijohen politika ekonomike cilësore për mbështetje direkte të investitorëve, sidomos kompanitë me teknologji të lartë dhe të orientuara nga eksporti, por edhe për të avancuar politikat doganore dhe tatimore, me çka plotësisht ndikohet në klimën më pozitive afariste në vend.

Zëvendëskryeministri Bytyqi dhe ambasadorja rumune Aksinte, ranë dakord të vazhdojnë komunikimin më intensiv dhe të punojnë bashkërisht në krijimin e modaliteteve që do të rrisin bashkëpunimin ekonomik midis vendeve.

Next Post

ZMPJ Isaki, bisedë telefonike me Sek.Shtet. për Çështjet Politike në MPJE të Kroacisë, Frano Matosic.

 Zëvendës Ministrja e Punëve të Jashtme të Republikës së Maqedonisë sw Veriut, Fatmire Isaki, pati një bisedë telefonike me Sekretarin e Shtetit për Çështjet Politike në Ministrinë e Punëve të Jashtme dhe Evropiane të Republikës së Kroacisë, Frano Matosic. Gjatë bisedimeve, u shpreh kënaqësia e ndërsjellë nga marrëdhëniet e shkëlqyera […]

Subscribe US Now

%d bloggers like this: