Kohanews

Ke Çfarë Lexon!

Zëvendësministri Rexhepi: Ndërtimin e infrastrukturës rrugore cilësore e kemi prioritet

1 min read
Saraj, 25 gusht – Zëvendësministri i Transportit dhe Lidhjeve, Bekim Rexhepi së bashku me ministrin e Ekonomisë Kreshnik Bekteshi, kryetarin e Sarajit, Blerim Bexheti sot inspektuan rindërtimin e rrugës Bukoviç-Raoviç e cila është një nga 94 projektet e programit TAV për mbështetjen e komunave.
Zëvendësministri i Transportit dhe Lidhjeve, Rexhepi tha se kjo rrugë do të bëhet sipas të gjitha standardeve dhe cilësisë.
“Ndërtimi i infrastrukturës rrugore cilësore për Ministrinë e Transportit dhe Lidhjeve është prioritet mbi prioritetet dhe për banorët në këtë rajon do të ketë një rëndësi të madhe dhe do të ndikojë në përmirësimin e cilësisë së jetës së tyre”, tha zëvendësministri Rexhepi.
Përmes Programit TAV, janë ndarë gjithsej 94 kontrata, në një vlerë totale prej 49.7 milion euro, për zbatimin e projekteve të infrastrukturës në pothuajse të gjitha komunat në vend.