Lëvizja Demokratike mohon çdo komunikim me BDI-në: “Nuk bashkëpunojmë me të korruptuarit”

Lëvizja Demokratike (LD) ka mohuar kategorikisht çdo spekulim mbi një komunikim me kryetarin e BDI-së, Ali Ahmeti. Në një deklaratë zyrtare, LD ka theksuar se nuk ka dhe nuk do të ketë asnjë bashkëpunim me një parti që, sipas tyre, është e zhytur në korrupsion dhe e lidhur me individë të sanksionuar nga Departamenti Amerikan i Shtetit për kapjen e gjyqësorit dhe keqpërdorimin e pushtetit.

LD ka përsëritur distancimin e saj nga çdo forcë politike që e ka shndërruar korrupsionin në mënyrë qeverisjeje dhe shtetin në një mjet për pasurim personal. Partia mbetet e palëkundur në vizionin e saj për një politikë të pastër, transparente dhe në shërbim të qytetarëve.