Thursday, July 25, 2024
spot_img

Mickoski: Kemi marrëveshje “xhentëllmenësh” Izet Mexhiti zv/ kryeministër i parë i Qeverisë

Edhe në Qeverinë e re të udhëhequr nga VMRO-DPMNE dhe kryeministri Hristijan Mickoski do të ketë zëvendëskryeministër të parë dhe ai do të jetë Izet Mexhiti nga Koalicioni VLEN. Mickoski sot, duke iu përgjigjur pyetjeve të gazetarëve nëse qeveria do të ketë zëvendëskryeministër të parë, tha se kjo është e kundërligjshme dhe se ata si qeveri e re nuk do të punojnë kundër ligjit, por më pas, derisa janë në koalicion, kanë një marrëveshje “xhentëlmenësh” që do të jetë Izet Mexhiti, transmeton Portalb.mk.

“Sipas ligjit që është në fuqi, kryeministri ka zëvendës, ndërsa marrëveshja e “xhentëlmenëve” brenda koalicionit është që të ketë zëvendëskryeministrin e parë dhe ai do të jetë Izet Mexhiti. Por kjo është jashtë ligjit, ligji thotë se kryeministri ka vetëm zëvendës. Ajo që është bërë deri tani në mënyrë të egër dhe të paligjshme nuk do të jetë praktikë në funksionimin e kësaj qeverie. Por po, marrëveshje “xhentëlmenësh”në koalicionin tonë dhe funksionimi ynë është i tillë”, tha Mickoski.

Në Qeverinë e re, Ministër i Mjedisit është Izet Mexhiti. Në propozimin e përbërjes së Qeverisë që e ka dorëzuar në Kuvend Mickoski si mandatar, përmendet vetëm kryeministri dhe ministrat, nuk përmendet se kush është zëvendëskryeministër apo zëvendëskryeministër i parë.

TE NDRYSHME

Stay Connected

0FansLike
0FollowersFollow
- Advertisement -spot_img

TE FUNDIT