Në një intervistë për Guardian, presidenti malazez Jakov Milatoviq ka theksuar se Brukseli ka mundësinë të ripërtërijë angazhimin e tij për zgjerimin e Bashkimit Evropian, në mënyrë që Mali i Zi të bëhet shtet anëtar.
“BE-ja mund të tregojë përkushtimin e saj të përtërirë ndaj parimit të zgjerimit, në mënyrë që brenda pesë viteve ta pranojnë Malin e Zi”, tha Milatoviq.
Presidenti i Malit të Zi do të vizitojë Londrën këtë javë dhe do të takohet me Mbretin Charles dhe ministrin e Jashtëm britanik James Cleverley.