Muzafer Livoreka sjell spektakël futbolli në Tetovë – Veteranët e Tetovës dhe Vlorës rikthehen në fushë këtë verë

Muzafer Livoreka sjell spektakël futbolli në Tetovë – Veteranët e Tetovës dhe Vlorës rikthehen në fushë këtë ver

Punëtori i njohur sportiv tetovar dhe drejtori i shkollës së mesme të Tekstilit, Muzafer Livoreka, është iniciatori i një ngjarjeje të veçantë sportive që do të mbahet këtë korrik në Tetovë. Në kuadër të manifestimit “Kultura Verore Tetovare”, qyteti do të mirëpresë një ndeshje miqësore që do të bashkojë në fushë veteranët e futbollit nga Tetova dhe Vlora.

Marrëveshja për këtë përballje të shumëpritur u arrit gjatë një vizite në Vlorë, ku figura të njohura të futbollit shqiptar, si Sokol Kushta dhe Albert Haxhiu, zhvilluan bisedime të frytshme me përfaqësues nga Tetova.

Ngjarja pritet të sjellë emocione të mëdha dhe një atmosferë festive, duke rikthyer në fushë emra që kanë lënë gjurmë në historinë e futbollit shqiptar. Ky aktivitet është jo vetëm një rikujtim i lavdisë së dikurshme, por edhe një nxitje për brezat e rinj që duan të ndjekin rrugën e sportit.

Një festë e vërtetë për sportdashësit, ku nostalgjia dhe krenaria do të ndërthuren me dashurinë për futbollin.