Ndërron jetë punëtori kinez i plagosur në kantierin e autostradës Ohër–Kërçovë
Pas pesë ditësh luftë për jetën, punëtori nga Kina, i cili u plagos rëndë gjatë punimeve ndërtimore në autostradën Ohër – Kërçovë, ndërroi jetë dje si pasojë e plagëve të marra.
Ngjarja ndodhi më 3 qershor, kur punëtori 52-vjeçar kinez ra nga një platformë druri në kantierin ndërtimor pranë fshatit Trebeniçisht. Ai u dërgua menjëherë në Spitalin Special “Shën Erazmo”, por përkundër përpjekjeve të mjekëve, nuk arriti t’i mbijetojë plagëve.
Në vendin e ngjarjes është kryer ekspertizë nga MPB Ohër dhe inspektorë të punës.
