Në fshatin Vicë u vu në përdorim objekti i ri i vakëfit.
Në një atmosferë të mbushur me gëzim dhe solemnitet, banorët e fshatit Vicë u mblodhën për të shënuar inaugurimin e objektit të ri të vakëfit-Mektebit.
Në ceremoninë e hapjes morën pjesë përfaqësues të Myftinisë së Tetovës në krye me Myftiun Dr. Hfz. Selver Xhemaili, afarist, donator, autoritetet vendore dhe shumë banotë të Fshatit Vicë të cilët shprehën kënaqësinë e tyre për këtë investim të rëndësishëm.
Ky objekt, i cili u ndërtua me mbështetjen e dashamirëve dhe donatorëve të fshatit Vicë, ishte shumë i nevojshëm dhe paraqet një investim shumë të qëlluar për banorë e këtij fshati.
Fillimisht toka/parcella është blerë nga Gafur Hasani dhe është bërë Vakuf.
Pastaj objekti i Mektebit është ndërtuar nga vëllezërit: Daim Ramani, Rahim Ramani, Emin Ramani, Jumni Ramani, Avni Ramani.
Objekti (200 m2) përbëhet nga salla për manifestime të ndryshme fetare, klasa e nxënësve të mektebit, një zyrë dhe pjesa sanitarisë. I tërë projekti ka kushtuar mbi 150.000 Euro.
Në fund të programit për vakufdhuruesit, donatorët dhe kontribuesit nga ana e Myftinisë dhe Këshillit të Xhamisë së fshatit Vicë u ndanë mirënjohje.
Myftinia e Tetovës shpreh mirënjohje dhe falenderime për të gjithë kontribuesit duke e lutur Allahun Madhëriplotë që t’i shpërblejë dhe t’i begatojë me të mirat e Tij.
Falenderime të veçanta për: Mahir Jashari, Gafur Hasani, Daim Ramani, Rahim Ramani, Emin Ramani, Jumni Ramani, Avni Ramani, Hazbi Ibrahimi, Imran Hasani, Ismen Rexhepi, Sherafedin Hajdari.
