A fillon të ndryshoj Teatri i Tetovës

vull

Shkruan Bashkim Sulejmani

A FILLON TË NDRYSHOJË TEATRI I TETOVËS…
“Dita e mirë shihet që në mëngjes herrët”, nëse kjo thënie është e vërtetë dhe për t`u besuar, atëherë marr të drejtën të them se, pas shumë kohë, në Teatrin e Tetovës, si duket gdhiu një mëngjes i mirë, i cili jep shpresa se diçka do të bëhet mbarë pas shumë kohësh.

Këtë nuk e them veç sa për ta thënë, por e them, duke u bazuar në bisedat e zhvilluara me të punësuarit në Teatër për drejtuesin e ri të tij dhe qasjen e tij ndaj teatrit, por edhe vet prononcimin e tij, gjatë pres konferencës, për caktimin e një dite të Teatrit në javë, ku do krijohej një repertor si duhet dhe që në më në fund, edhe Tetovarët të fillojnë ta ndjejnë se në qytetin e tyre, ka Teatër.

Drejtuesi i ri i teatrit, pyetjes sonë për një ditë teatri gjatë javës iu përgjigj shumë shkurt dhe “ashpër”:
“Do të ketë po jo vetëm një ditë, sepse jemi dhjetëra të punësuar që duam të punojmë dhe do jenë më shumë se një ditë”. Dashtë Zoti kështu të jetë, sepse, deri më tani, në vend të shfaqjeve në teatër të Tetovës, kemi pasur vetëm ankesa, përplasje me shtëpinë e kulturës për atë se kush “i ka fajet” apo kush jo, vetëm e vetëm, që të “arsyetohet” mospuna në Teatër.
Kjo mos punë, ka bërë që vite me radhë, ky teatër të humb edhe epitetin teatër, por të jetë premierë-dhënës, sepse asnjë shfaqje, për një kohë të gjatë nuk ka gëzuar reprizat, duke u arsyetuar se, nuk ka ditë të lirë në shtëpinë e kulturës, ndërkohë që, ne që e frekuentojmë më shpesh, e shohim se ditë të lirë në shtëpi kulture ka që ç`ke me të.

Le të shpresojmë se drejtuesi i ri i teatrit, do i ve punët në binarë dhe teatri do fillojë të frymojë, që të ndjej edhe Tetova se ka teatër.
E nisa me maksimën “Dita e mirë shihet që në mëngjes herrët”, sepse, që mbrëmë gjatë premierës “Bidermani dhe zjarrvënësit”, ca ndryshime të vogla u vërejtën që në hyrje.

Për dallim prej më parë, në hyrje të Teatrit, zonjat i priste nga një trëndafil bashkë me fletushkën informuese dhe një stilolaps, ku shkruante, “eja në teatër”.
Ndërsa e bukura e të mbrëmshmes, ishte ajo që vetëm nëpër teatro botërore na rastis të shohim, një rekuizitë e dizenjuar enkas për të dhënë përshtypjen për shfaqjen që do ndjekim, pra ishte shkrepëse gjigante.

Për fund, si adhurues i teatrit dhe si njeri që kam dhënë mund për themelimin e tij, uroj që, kjo ditë e bukur, të mos mundet nga lakmia, dhe interesat meskine, që të hapërojmë mbrapsht, por të vazhdoj si ditë e këtillë e mbarë, sepse Tetova, k`të të mirë ka, dhe duhet ta ruajmë e kultivojmë si dritën e syve.

Next Post

Ministri i Diasporës, Pandeli Majko priti një delegacion të Agjencisë për Zbatimin e Gjuhës

Ministri i Shtetit për Diasporën i Republikës së Shqipërisë, Pandeli Majko, priti në zyrën e tij në Tiranë një delagacion të Agjencisë për Zbatimin e Gjuhës, të kryesuar nga drejtori i saj, Ylber Sela. Gjatë këtij takimi drejtori Ylber Sela, e informoi ministrin Pandeli Majko lidhur me punën, angazhimet, sfidat […]

Subscribe US Now

%d bloggers like this: