Prodhuesit e miellit në vend javën e ardhshme do ta ulin edhe më shumë çmimin e miellit, ka bërë të ditur ministri i Ekonomisë Kreshnik Bekteshi në profilin e tij në Facebook.
“Sot u informova se nga java e ardhshme do të ketë ulje të mëtejshme të çmimit të miellit, nga prodhuesit tanë”, ka bërë të ditur Bekteshi.
Më herët, Qeveria njoftoi se dëshiron të dëgjojë propozime konkrete nga biznesmenët për masa, mekanizma dhe metodologji të tjera që janë të qëndrueshme. Deri më tani kanë marrë vetëm një propozim konkret për heqjen e të gjitha detyrimeve doganore, gjë që është e papranueshme për ta.