Plasaritja ndodhet në kufijtë e tre pllakave tektonike që prej disa kohësh janë larguar gradualisht nga njëra-tjetra.
Shkencëtarët kanë zbuluar se dy pjesët e tokës që përbëjnë kontinentin e dytë më të madh dhe të dytë më të populluar në glob kanë filluar të ndahen.
Kjo hap rrugën që një oqean krejt i ri të kalojë nëpër atë hendek.
Pra, vende si Zambia dhe Uganda mund të kenë një ditë vijën e tyre bregdetare nëse toka vazhdon të ndahet.
Sipas revistës së respektuar Geophysical Research Letters, gjeologët kanë qenë në gjendje të konfirmojnë se një oqean i ri po formohet ndërsa kontinenti afrikan ndahet në gjysmë.
Shkencëtarët kanë arritur të gjejnë vendin e saktë ku, shumë thellë nën tokë, u hap për herë të parë kontinenti sipërfaqja e të cilit është më shumë se 30 milionë kilometra katrorë, shkruan “Unilad.com”.
Plasaritja ndodhet në kufijtë e tre pllakave tektonike që prej disa kohësh janë larguar gradualisht nga njëra-tjetra. Gjeologët kanë treguar se ky proces kompleks tektonik do të krijojë vend për një trup krejtësisht të ri uji miliona vjet nga tani.
Shkencëtarët kanë zbuluar se çarja, e njohur si Hendeku i Afrikës Lindore, është aktualisht rreth 55 kilometra e gjatë pasi u shfaq për herë të parë në vitin 2005 në shkretëtirat e Etiopisë.
“Ky është i vetmi vend në Tokë ku mund të studiosh sesi toka kontinentale bëhet oqean”, tha Christopher Moore nga Universiteti i Leeds.
Me ndihmën e teknologjive të radarëve satelitorë, ai monitoroi aktivitetin vullkanik të rajonit të Afrikës Lindore, i cili shpesh shoqërohet me shpërbërjen graduale të kontinentit. Çarja ndodhet në kufirin e pllakave tektonike afrikane, arabe dhe somaleze, dhe për 30 milionë vitet e fundit pllaka arabe po ndahet ngadalë nga kontinenti afrikan. Shkencëtarët me ndihmën e instrumenteve GPS arritën të masin me saktësi zhvendosjet në tokë.
“Me një matje GPS, ju mund të matni shpejtësinë e lëvizjes deri në disa milimetra në vit,” tha Ken McDonald, një gjeofizikan detar dhe profesor në Universitetin e Kalifornisë, San Francisko.
Sa më shumë matje GPS të marrim, aq më mirë kuptojmë se çfarë po ndodh. Gjiri i Adenit dhe Deti i Kuq do të përmbytin të gjithë rajonin e Afarit dhe Luginën e Riftit të Madh dhe do të bëhen një oqean i ri dhe ajo pjesë e Afrikës Lindore do të bëhet kontinenti i saj i vogël i veçantë.
Të tre pllakat tektonike po largohen me shpejtësi të ndryshme, por McDonald thotë se pllaka arabe po ndahet nga pllaka afrikane me një shpejtësi prej 2.5 centimetra në vit.
Pllakat afrikane dhe somaleze po ndahen me një ritëm më të ngadaltë, rreth 5 milimetra çdo vit.