Berisha urdhëroi hedhjen në erë të Parlamentit në ’98, pritet dalja e dëshmitarit dhe arrestimi nga SPAK-u

vull

Sali Berisha tentoi të organizonte aktin më të rëndë terrorist që pas Luftës së Dytë Botërore, mister dështimi i planit, një nga anëtarët e grupit është gati të kthehet në i penduar dhe të rrëfehet para SPAK-ut, Berisha sot është nën hetim nga Prokuroria për Krimet e Rënda për akuzën Izet Haxhisë për bombardimin e Ambasadës Amerikane dhe bombardimin e Jugut, vetë ka pranuar hapjen e depove të armëve në ’97

Një vit pasi amerikanët e përzunë nga pushteti me forcë, Sali Berisha, në vitin 1998, ka planifikuar një ndër aktet terroriste më të rënda që pas mbarimit të Luftës së Dytë Botërore. Sali Berisha e ka pranuar vetë se ka urdhëruar hapjen e depove të armëve në ’97, ai organizoi grushtin e shtetit të 14 shtatorit 1998, ndërsa akuzohet nga ish-truproja i tij se ka organizuar edhe hedhjen në erë të Ambasadës Amerikane në Tiranë, për shkak se ambasada ishte kundër pushtetit të tij kriminal. Por, përveç këtyre, Berisha ka planifikuar hedhjen në erë të Parlamentit Shqiptar, në një moment kur në sallë të ishin të gjithë kundërshtarët e tij politikë. Me këtë akt, Berisha synonte që të lehtësonte rrugën për të ardhur në pushtet.

Sali Berisha kontaktoi disa nga të besuarit e tij në atë kohë, për të realizuar aktin terrorist. Ka disa arsye dhe rrethana se pse akti nuk u realizua.

Sipas një varianti, disa nga anëtarët e grupit tradhtuan dhe u arratisën jashtë, disa të tjerë u lëkundën për shkak të pasojave që mund të kishte minimi i Parlamentit.

Por, akti mund të jetë parandaluar edhe nga shërbimet partnere së bashku me SHISH në atë kohë, i cili ishte çliruar nga Berisha. Disa nga anëtarët e grupit, Berisha sot i ka shpallur armiqtë më të përbetuar të tij. Ai ka angazhuar të gjithë PD dhe segmentet kriminale për t’i sulmuar dhe eliminuar.

Në pranverë do të ngrihen Byroja Kombëtare e Hetimit, Prokuroria e Posaçme dhe Gjykata Speciale, të cilat do të funksionojnë nën monitorim e fortë të SHBA-BE. Këto struktura do të hetojnë dhe ndëshkojnë të gjitha aktet terroriste, kriminale dhe korruptive të politikanëve shqiptarë që nga viti 1990 deri në ditët e sotme. Ligjet e reja krijojnë shumë garanci dhe përfitime për dëshmitarët. Nuk përjashtohet mundësia që nja nga dëshmitarët të dalë dhe të rrëfejë planin e Berishës për të hedhur në erë Parlamentin, dëshmi e cila do të çonte menjëherë në arrestimin e tij.

Sali Berisha sot është nën verifikim nga Prokuroria e Krimeve të Rënda edhe për një tjetër dëshmi të ish-truprojës së tij, Izet Haxhia. Haxhia ka deklaruar se Berisha ka urdhëruar që të bombardonte Ambasadën Amerikan, ndërsa e akuzon se organizoi vrasjen e Azem Hajdarit për të bërë grushtin e shtetit, me qëllim marrjen e pushtetit me dhunë.

Haxhia është shprehur: “Është e vërtetë që ka patur një skenar për hedhjen në erë të ambasadës amerikane në vjeshtën e ’98, në prag të sulmeve të NATO ndaj Serbisë, duke përdorur celulat e Bin Laden në Shqipëri. Në këtë skenar, pa dijeninë time, do gjendesha në kamionin me eksploziv që do hidhte në erë ambasadën amerikane, por vrasja e Hajdarit e pengoi këtë skenar, vrasje në të cilën u gjenda i përzier po pa dijeninë time”./Pamfleti

Next Post

Lëvizjes BESA, për herë të parë në historinë e R.M.V , në Agjensionin për Punësim - Tetovë emërohet drejtor një shqiptar

Edhe pse Tetova qytet me shumicë shqiptare deri tani me qendrën e punësimit në Tetovë gjithnjë kanë udhëhequr udhëheqës maqedon. Mirëpo ky realitet u ndryshua falë drejtorit gjeneral të Agjencisë së punësimit të Maqedonisë së Veriut Abdush Demiri kuadër i Lëvizjes BESA i cili nga sot emroi një shqiptar, Armend […]

Subscribe US Now

%d bloggers like this: