Kosova dhe Mbretëria e Bashkuar së shpejti me marrëveshje për tregti të lirë

vull

Ministri i Tregtisë dhe Industrisë, Endrit Shala, gjatë takimit që zhvilloi me Andrew Mitchell, Komisionar i Tregtisë për Evropë të Mbretërisë së Bashkuar, theksoi se Mbretëria e Bashkuar ka kontribuar jashtëzakonisht shumë në ndërtimin e Kosovës.


Shala shprehu mirënjohje për Mbretërinë e Bashkuar që është hisedarë në lirinë dhe pavarësinë e Republikës së Kosovës, duke shtuar se marrëdhënien e shkëlqyera politike në mes të dyja vendeve të kthehen edhe në aspektin ekonomik.

Ministri Shala dhe komisionari Mitchell u dakorduan që së shpejti të nënshkruhet edhe marrëveshja në mes Kosovës dhe Mbretërisë së Bashkuar për tregti të lirë.

Shala shpjegoi edhe potencialin që ka Kosova për investime të huaja, duke nisur nga energjia e ripërtritshme, investimi në miniera, në bujqësi dhe turizëm.

Po ashtu, ministri Shala dhe komisionari Mitchell u dakorduan për inicimin e marrëveshjes për mbrojtjen dhe promovimin e investimeve të Mbretërisë së Bashkuar në Kosovë.

Komisionari Mitchell vlerësoi marrëdhëniet në mes Kosovës dhe Mbretërisë së Bashkuar, duke bërë të ditur se Britania ka interes t’i rritë shkëmbimet tregtare dhe po ashtu ta rritë prezencën me investitorë. Bashkë me komisionarin Mitchell në takim ishte edhe ambasadori i Mbretërisë së Bashkuar në Kosovë, Ruairi O’connell.

Next Post

Takimi i presidentit Pendarovski me kryetarin e Qeverisë Zaev

Presidenti i Republikës së Maqedonisë së Veriut, Stevo Pendarovski sot e pranoi Kryetarin e Qeverisë së Republikës së Maqedonisë së Veriut, Zoran Zaev. Në takim, Kryeministri Zaev uroi për marrjen e funksionit dhe i uroi punë të suksesshme presidentit Pendarovski. Të dy bashkëbiseduesit kanë shkëmbyer mendime për ngjarjet aktuale në […]

Subscribe US Now

%d bloggers like this: