Meta: Gati të jap dorëheqjen, sakrifikohem për të mos lejuar instalimin e një junte

vull

Presidenti Ilir Meta ndodhet sot në juglindje të vendit. Gjatë ndalesës në Pogradec, kreu i shtetit foli mbi krizën, të cilën e cilësoi të qëllimshme dhe tha se është gati të lërë mandatin për të mirën e vendit.

“Jam i përgatitur të lë mandatin dhe deri të sakrifikohem si Salvador Allende, për të mos lejuar instalimin e një junte ushtarake”, deklaroi Ilir Meta.

Meta thotë se kriza mund të sjellë konfrontime, të cilat i kemi parë në të kaluarën dhe që mund të cënojnë interesat e vendit.

Meta tha se i ftonte të gjithë që të mos sakrifikojnë vendin për karriget dhe interesat e tyre. Në këtë drejtim, edhe pse nuk e ndien veten përgjegjës, ai thotë se ka bërë çdo përpjekje prej dy vitesh për të paranduar këtë situatë.

Ai tha se ishte i gatshëm që në emër të një zgjidhjeje politike, që rivendos normalitetin kushtetues, dhe për ecjen drejt çeljes së shpejtë të negociatave me Bashkimin Europian.

“Jam i gatshëm për të dyja ekstremet, që nga dorëzimi i mandatit si president, pasi të sigurohet se vendi ka një zgjidhje politike parimore, solide, kushtetuese, që e çon vendin para; e deri te sakrifikimi i jetës sime si Salvador Allende për të parandaluar instalimin e një junte që mund ta kthente Shqipërinë 30 vite pas. Ilir Meta është i përgatitur për të dyja”, deklaroi presidenti./Top Channel

Next Post

Kuvendi ja kur do ti miratojë pensionet sociale 6 mijë denarë dhe ndihmat prej 12 mijë denarë

Diskutim publik për propozim-ligjin për mbrojtjen sociale sot do të mbahet në Kuvend, ku do të merr pjesë edhe ministrja e Punës dhe Politikës Sociale, Mila Carovska. Propozim-ligji për mbrojtjen sociale është një nga tre ligjet rregullativ të reformës sociale, me të cilat transformohet shoqëria dhe mënyra në të cilën […]

Subscribe US Now

%d bloggers like this: