Nesër rezultatet e para të hetimit në Bullgari për autobusin e “Besa Trans”

vull

Në intervistat për RTL kroate dhe RTCG malazeze, theksova se për nesër organet hetimore bullgare kanë shpallur një adresë me rezultatet paraprake nga hetimi për aksidentin e autobusit, njoftoi sonte ministri i Punëve të Brendshme Oliver Spasovski në profilin e tij në Facebook.

-Në bazë të rezultateve të hetimit do të veprojmë, garantoj se autoritetet do të reagojnë shpejt dhe me efikasitet. Identifikimi i të vdekurve ka filluar, dhe ekipet e përbashkëta të instituteve të mjekësisë ligjore nga Republika e Maqedonisë së Veriut dhe Republika e Bullgarisë janë duke punuar, ku pala maqedonase merr pjesë në sigurimin e materialit të ADN-së nga familjarët e të vdekurve, tha Spasovski.

Sipas njoftimeve të autoriteteve bullgare, ka shkruar Spasovski, i gjithë procesi mund të përfundojë për shtatë ditë, pas së cilës do të transferohen eshtrat e viktimave.

– Përgjegjësia është gjëja më e rëndësishme, të përcaktohet përgjegjësia dhe të barten pasojat, që një situatë e tillë të mos përsëritet. Bëj thirrje që të mos spekulohet publikisht, për të mos dëmtuar hetimin.
Informatat zyrtare janë se sot ministri i Transportit dhe Lidhjeve Blagoj Boçvarski ka nënshkruar heqjen e licencës për punë të transportuesit Besa-Trans, njoftoi ministri Spasovski në Facebook.

 

 

Next Post

Të premten pritet të vërtetohet dorëheqja e Zaevit në LSDM, të njëjtën ditë Alternativa mban mbledhje

Komiteti Qendror dhe Komiteti Ekzekutiv i LSDM-së, të premten do të diskutojë për dorëheqjen e kryeministrit dhe kryetarit të LSDM-së, Zoran Zaev i cili e dha pas humbjeve në zgjedhjet lokale.Mbledhja e organeve partiake duhej të mbahej dje, mirëpo për shkak të aksidentit që ndodhi në Bullgari, e njejta u […]

Subscribe US Now

%d bloggers like this: