Osmani: Familjet e të zhdukurve me dhunë duhet të dëgjohen, procesi i zbardhjes së fatit të tyre, të përshpejtohet

vull

Në këtë takim Presidentja Osmani e njoftoi z. Schuepp me përkushtimin e institucioneve të reja të Kosovës për zbardhjen sa më të shpejtë të fatit të 1639 personave të zhdukur me dhunë gjatë luftës së Kosovës.

“Për institucionet tona”, tha Presidentja Osmani, “zbardhja e fatit të tyre përbën jo vetëm prioritet politik, por edhe detyrim njerëzor”, prandaj ne nuk duam ta trajtojmë këtë proces vetëm si politik, por, mbi të gjitha madje, edhe si humanitar”.

Sipas Presidentes Osmani, është detyrë e institucioneve që ta dëgjojnë zërin e familjeve të të zhdukurve, të bëhen zëri i tyre dhe ne po sigurohemi që të bëjmë gjithçka që familjet të trajtohen dinjitetshëm dhe që të marrin sa më shpejt që të jetë e mundur informata mbi fatin e më të dashurve të tyre.

“Procesi po shkon tepër ngadalë”, tha Presidentja Osmani. ”Serbia nuk po tregon gatishmëri për ta zbardhur fatin e këtyre personave, prandaj bashkësia ndërkombëtare duhet ta rrisë presionin mbi Serbinë, që ajo të ofrojë informata për secilin person të zhdukur dhunshëm”.

Z. Schuepp, ndërkaq, e njoftoi Presidenten Osmani për përpjekjet që kjo organizatë po i bën për të siguruar të dhëna për personat e zhdukur.

Next Post

Sela: Arben Taravari, Isen Shabani dhe Albon Xhemaili do të kandidohen sërish

Lideri i Aleancës për Shqiptarët, Ziadin Sela në takimin joformal me gazetarë dhe redaktorë, ka bërë të ditur, se në tri komunat që udhëheq kjo parti, do të kandidojë kryetarët aktualë. Bëhet fjalë për Arben Taravarin në Gostivar, Isen Shabanin në Vrapçisht dhe Albon Xhemailin në Bogovovinë. “Po përgatitemi me […]

Subscribe US Now

%d bloggers like this: