Kohanews.com

Ke Çfarë Lexon!

Shpend Ahmeti padit ish-partinë e tij

2 min read

Statusi i plot i kryetarit te Komunes se Prishtines:

Sot ushtrova sot padi ndaj partisë “Lëvizja Vetëvendosje” për shpifjet e vazhdueshme që i kanë bërë ndaj meje dhe Komunës, me theks të veçantë në rastin e furnizimit të shkollave me qumësht për nxënësit..

Ata e kanë shpallur vetën edhe gjykatës. Të gjitha ato që i kanë thënë për furnizimin me qumësht, kanë qenë në kohën kur kemi qenë bashkë, por për ta më nuk ka rëndësi as paraja publike e as e vërteta. Do të ishte mirë që kjo padi të shkonte për personin që i organizon të gjitha këto shpifje, por ai është mësuar ta gjuajë gurin e ta fsheh dorën. Prandaj, sot padinë po e bëjmë ndaj partisë së tij.

Të gjitha procedurat e tenderimit kanë qenë të hapura, dhe Komuna e Prishtinës ka paguar çmimin më të ulët të mundshëm për furnizim me qumësht (p.sh. Prizreni i udhëhequr nga VV-ja paguan 20 cent më shumë për litër).

I bëj thirrje Gjykatës që sa më parë ta trajtojë këtë padi, në mënyrë që të eliminohen spekulimet dhe shpifjet për këtë çështje. Sidomos shpifjet e atyre njerëzve që janë paraqitur dhe kanë ushtruar kinse kallëzim penal ndaj meje; të cilët njihen për hajni në Vetëvendosje dhe kanë qenë të dënuar për këtë gjë nga partia e tyre, e sot janë instrumentalizuar për të na sulmuar neve.
Për secilin qumësht që dërgohet në shkollë, ka evidencë dhe nënshkrim nga ana e përgjegjësit të shkollës. Kësisoj, dihet saktë se sa para shpenzohen për këtë furnizim, çdo ditë.