Kohanews

Ke Çfarë Lexon!

Shqipëria mori 90 milion euro nga BE për të ballafaquar me pandeminë

1 min read

Komisioni Evropian, në emër të BE, ndau sot 90 milion euro për Shqipërinë, brenda programit të tij të ndihmës makro-financiare (MJP), lidhur me Covid-19, njoftoi Top Channel TV.

Sipas të njëjtit burim, Shqipëria është vendi i tetë i përfshirë në paketën emergjente të MJP me vlerë tre miliardë euro për dhjetë partnerë të zgjerimit dhe fqinjësisë, i cili synon të ndihmojë në zbutjen e pasojave ekonomike të pandemisë së koronavirusit.

Fondet do të ndihmojnë në zbutjen e pasojave të rënda socio-ekonomike të pandemisë në Shqipëri.

– Ky virus nuk njeh kufij: BE qëndron pranë Shqipërisë dhe qytetarëve të saj në këto kohë të vështira. Transaksioni i sotëm pason miratimin e një memorandumi mirëkuptimi me Shqipërinë, i cili përcakton kushtet e politikës që duhet të plotësohen për pagesën e këstit të dytë 90 milion euro. “Këto kushte janë veçanërisht të rëndësishme për përmirësimin e qeverisjes ose rritjen e mbrojtjes sociale,” shkroi ambasadori i BE në Tiranë Luigi Soreca në Twitter.

Ai vlerësoi se ky program është “një demonstrim i fortë dhe konkret i solidaritetit të BE ndaj Shqipërisë dhe qytetarëve shqiptarë gjatë kësaj krize të paparë”.