Shqiptarët paguajnë benzinën “më të shtrenjtë” në Evropë

vull

Ky lëng i çmueshëm në Zvicër, ku paga mesatare është 4605 euro, kushton 1.36 euro ndërsa në Shqipëri, 1.44 euro ndërkohë që paga mesatare është 314 euro

Një zviceran me pagën e tij mesatare mujore mund të blejë 3888 litra benzinë brenda një muaji. Ndërsa një shtetas i Shqipërisë, me pagën mesatare që është 314 euro, mund të blejë vetëm 218 litra benzinë, shkruan motorzeitung.de. Ky lëng i çmueshëm në Zvicër, ku paga mesatare është 4605 euro, kushton 1.36 euro ndërsa në Shqipëri, 1.44 euro. Këto janë në fakt dy anët më të skajshme të ranglistës së përpiluar nga platforma E-komerciale Picodi, sa i përket Evropës, transmeton albinfo.ch. Siç shihet në mënyrë të qartë, Shqipëria është në skajin e poshtëm të ranglistës, ose, me fjalë tjera, shqiptarët paguajnë benzinën më të shtrenjtë në Evropë.

Edhe në nivel botëror çmimi që paguan shqiptari mesatar për benzinë është mjaft i lartë. Akoma më shtrenjtë e paguajnë benzinën njerëzit në disa vende afrikane dhe aziatike. Kështu, në Madagaskar, me pagën e atjshme mujore mund të sigurohen vetëm 42 litra benzinë ndërsa në Taxhikistan 131 litra dhe në Zambi, 137 litra. Në kreun e listës, pas Zvicrës vijnë Luksemburgu dhe Norvegjia, ku me pagat mesatare të vendeve respektive, qytetarët mund të blejnë nga 2827 respektivisht 1989 litra benzinë në muaj.

Gjermanët, me rrogën mesatare 2439 euro mund të blejnë 1740 litra benzinë, litri i së cilës në këtë vend kushton 1.40 euro, përcjell albinfo.ch. Me këtë raport çmim/fuqi blerëse, Gjermania zë vendin e shtatë në Evropë. Në nivel botëror, më shumë benzinë se zviceranët me pagën mesatare mund të blejnë shtetasit e SHBA-së. Ndonëse paga mesatare atje është shumë më e ulët se në Zvicër, me të mund të paguhen 4711 litra benzinë në muaj, falë çmimit shumë më të ulët të saj. Në SHBA benzina kushton 68 centë!

Next Post

Rita Ora pret flokët bisht-pëllumb (FOTO)

Rita Ora nuk ka frikë të eksperimentojnë, qoftë edhe me disa nga trendet më të çuditshme të flokëve. Për habinë e askujt, rezultati është fantastik. Fillimisht na lejoni t’ju risjellim në vëmendje një ndër trendet e flokëve të viteve 1970 dhe ’80: modelin e njohur si bisht-pëllumb që konsiston në […]

Subscribe US Now