Si para 20 vitesh, Majko pret shqiptarët e Kosovës në kufi

vull

Ministri i Shtetit për Diasporën në Shqipëri, Pandeli Majko, sot mori pjesë sot në ceremoninë e 20-vjetorit të “Batalionit të Atlantikut”. Në këtë përvjetor jubilar, ish-anëtarët dhe qytetarë të tjerë nga Kosova përshkruan të njëjtin rrugëtim si dy dekada më parë, kohë kur luftonin për lirinë e Kosovës.

Ministri Majko në mënyrë simbolike i ka pritur sërish pjesëtarët e Batalionit dhe qytetarët e tjerë, në pikën kufitare të Kukësit, ashtu si dy dekada me parë, por tashmë në një Kosovë të lirë dhe të pavarur.

Ai deklaroi se kufiri mes Kosovës dhe Shqipërisë vazhdon të jetë po ai i ish-Jugosllavisë dhe duhet punuar fort për ta shndërruar këtë kufi të shqiptarëve, duke nënkuptuar heqjen e barrierave kufitare.

“Kosova dhe Shqipëria ndihen më mirë, por ne duam të jetë më mirë. Jemi shqiptarë dhe dy kufij këtu. Është kufiri i ish-Jugosllavisë. Duhet ta bëjmë të Kosovës dhe Shqipërisë, i cili do të bëhet shumë shpejt”, deklaroi Majko.

Ndërsa kryetari i Bashkisë së Kukësit, Bashkim Shehu, u shpreh se Kukësi ndihet prapë i nderuar pas 20 vitesh. Pjesëmarrës në këtë ceremoni ishte edhe kryetari i Mitrovicës, Agim Bahtiri.

Në kujtim të eksodit të vitit ’99 dhe “Batalioni i Atlantikut”, Bashkia dhe Këshilli i Qarkut të Kukësit në bashkëpunim me Shoqatën “Eksod ‘99” si çdo vit bënë pritjen simbolikë të shqiptarëve të Kosovës në Morinë.

Next Post

Kryeparlamentari Kadri Veseli dhe Ministri Kujtim Gashi vizitojnë Komunën e Kaçanikut- përurojnë fushën ndihmëse të futbollit

Komuna e Kaçanikut sot kishte mysafir Kryetarin e Kuvendit të Republikës së Kosovës Kadri Veseli si dhe Ministrin e Kulturës, Rinisë dhe Sportit Kujtim Gashi. Kryetari Besim Ilazi u dëshiroi mirëseardhje në Kaçanik, ndërsa i falenderoi për punën dhe angazhimin e tyre në realizimin e shumë projekteve në Kaçanik. Ndërkohë […]

Subscribe US Now

%d bloggers like this: