“Nëse Shqipëria nuk do të ishte pjesë e NATO-s, do të ishte pre e lehtë për të gjithë, por tani askush nuk mund të bëjë asgjë”, tha kryeministri shqiptar Edi Rama, në një bisedë live me qytetarët në Facebook.
– Lufta i prek të gjithë, çmimi i energjisë është rritur në vendet fqinje. Ne nuk e rrisim çmimin e energjisë, ne subvencionojmë 80 për qind, që do të thotë miliona. “Do të ishte mirë që të hiqen të gjitha taksat, por pastaj si do t’i financojmë”, tha Rama.
Është e vërtetë, shtoi ai, se në Shqipëri ka një taksë për naftën dhe theksoi se “nuk mendoj se nëse e heqim po bëjmë një punë të mirë, sepse ka një qëllim pse është futur”.
– A e dini se në Maqedoni dhe Kosovë paguajnë taksë dhjetë për qind. Nuk them se zgjidhja jonë është më e përsosura, por nuk mund të luftojmë faktet. Për shkak se kemi pagën minimale më të ulët, prej 30 mijë lekësh (245 euro), qeveria subvencionon familjet me të ardhura të ulëta. Taksat mbi pagat për bizneset e vogla janë mjaft minimale. Të hiqet taksa e naftës dhe të vendoset mbi rrogë? Ju pyesni miqtë dhe të afërmit tuaj në Itali se si ndihen për momentin, si ndihen për të ardhurat e tyre, iu përgjigj Rama me një pyetje të një qytetari për çmimin e lartë të karburantit.
Më herët, kryeministri Rama në takimin e sotëm me furnizuesit e karburanteve, bëri të ditur se do të krijohet Bordi Kombëtar i Furnizimit me Karburant për të marrë një vendim ditor për çmimet e karburanteve dhe paralajmëroi se kushdo që nuk respekton çmimin e vendosur nga ky organ, do të humbasë lejen e punës.
