Real Madrid zgjodhi Harry Kane si pasues të Karim Benzemas, por negociatat për ardhjen e tij në Bernabeu nuk do të jenë të lehta. Sipas informacioneve të fundit, kushtet personale të Kane nuk do të jenë problem dhe ai do të pranojë me kënaqësi ofertën që ka në tavolinë, e cila është një kontratë trevjeçare dhe 11 milionë euro në sezon.
Kane është në prag të mbushjes së 30-vjeçit dhe Real Madrid aktualisht po i ofron atij një kontratë për tre sezone, me mundësi vazhdimi.
Është evidente se problem shumë më i madh do të jetë oferta që Reali po përgatit për Tottenhamin, dhe ajo fillestare është – 80 milionë euro.
Kane e ka pranuar tashmë ofertën dhe kushtet e Realit, por negociatat me Tottenhamin pritet të jenë të tensionuara dhe nuk ka gjasa që Premier League të lejojë një transferim pa paguar “mbretërit” një shumë prej rreth 100 milionë eurosh.