Një grevë e më shumë se 200 punëtorëve në prodhuesin italian të pjesëve të makinave Marelli është pasojë e tranzicionit të BE-së drejt automjeteve elektrike, e cila mund të shkurtojë deri në 70,000 vende pune në Itali, ka paralajmëruar shoqata e kompanive të automobilave ANFIA.
Marelli, në pronësi të fondit amerikan KKR, planifikon të mbyllë një fabrikë në rajonin Emilia Romagna, e cila prodhon pjesë të motorëve me djegie të brendshme për grupet e makinave duke përfshirë Stellantis, Volkswagen dhe BMW.
Biznesi është bërë “i paqëndrueshëm” pasi BE planifikon të ndalojë shitjen e makinave të reja me benzinë nga viti 2035, shpjegojnë ata.
Greva thekson sfidat që do të përballen qeveritë në tranzicionin e industrisë dhe ekonomisë drejt “energjisë më të gjelbër” për të përmbushur objektivat ambicioze klimatike dhe për të përmirësuar sigurinë e energjisë.
Kalimi në “transportin e gjelbër” mund të eliminojë deri në 70,000 vende pune vetëm në Itali, paralajmëron lobi i industrisë së makinave ANFIA.
Marelli ka ngrirë planin për mbylljen e fabrikës, por konfirmoi se nuk do të rifillojë prodhimin.
Kompania u themelua në vitin 2019 pasi Fiat Chrysler (FCA), tani pjesë e Stellantis Group, shiti ndarjen e pjesëve Magneti Marelli te Calsonic Kansei të Japonisë, në pronësi të KKR, për 5.8 miliardë euro.
Në atë kohë, Marelli kishte 43 mijë punëtorë, 10 mijë prej tyre në Itali. Ndërkohë numri i tyre në uzinat italiane ka rënë në 7300, ndërsa në pjesën tjetër të botës është rritur me 50000.
Kompania njoftoi gjithashtu se do të pushojë nga puna 167 punëtorë në fabrikën e saj në Argentan, Francë, e cila prodhon pjesë për motorët me djegie të brendshme.
Stellantis është i vetmi prodhues i madh italian i makinave, por industria italiane e pjesëve është e dyta më e madhe në Evropë, sipas ANFIA, dhe furnizon disa prodhues automjetesh jashtë vendit.
Megjithatë, rreth 40 për qind e furnizuesve italianë janë të specializuar në teknologjinë e djegies së brendshme dhe mbi 70 për qind e tyre janë të ekspozuar ndaj kësaj teknologjie, paralajmëron shoqata.
Për shkak të mbështetjes së saj në atë teknologji dhe dominimit të bizneseve të vogla, të cilat përbëjnë dy të tretat e kompanive në sektorin e pjesëve, Italia mund të vuajë pasoja veçanërisht të rënda në kalimin në energji elektrike.
Prodhuesit italianë të pjesëve kanë njohuritë dhe aftësitë e nevojshme për prodhimin më të orientuar drejt automjeteve elektrike, thotë Francesco Zirpoli, profesor i menaxhimit në Universitetin e Venecias dhe drejtor shkencor i Qendrës për Inovacionin e Automobilave dhe Mobilitetit (CAMI).
Kërcënimi kryesor është zhdukja e industrisë italiane të makinave, shpjegon Cirpoli. Në vitet 1990, Italia prodhonte më shumë se dy milionë makina në vit, por tani prodhon më pak se një milion.