Sa fitojnë shoferët e autobusëve në Gjermani: “Ejani në punë, kemi mungesë kronike me shoferë”
2 min read
Paga për orë për shoferët e autobusëve në transportin publik në shtetin federal të Rhine-Westphalia është 15,60 euro.
Presidenti i VDV-së, Harald Kraus zbuloi se shumë shoferë kanë lënë punën e tyre për shkak të pagave të ulëta: “Unë nuk njoh asnjë kompani të vetme në sektorin e transportit me autobus që të mos jetë detyruar të anulojë të paktën një linjë. Kushtet financiare janë përmirësuar tani, kur rëndësia e transportit publik është rritur, por thjesht ka mungesë të stafit”, thotë Kraus, përcjell autoklub.hr.
Paga për orë për shoferët e autobusëve në transportin publik në shtetin federal të Rhine-Westphalia është 15.60 euro, kjo vlen për fillestarët ndërsa shoferët me më shumë përvojë kanë kushte më të mira.
Unioni i Transportuesve Ndërqytetës dhe Ndërkombëtar të Autobusëve (DBO) deklaroi se aktualisht u mungojnë 7,800 shoferë dhe deri në vitin 2030 numri do të rritet në 87,000 shoferë.
Siç theksoi ministri gjerman i Punës Hubertus Heil javën e kaluar, Gjermania ende përballet me një mungesë të madhe të fuqisë punëtore. Ai paralajmëroi masa shtesë stimuluese për emigracionin e punëtorëve në Gjermani, transmeton Hina.
