Kohanews.com

Ke Çfarë Lexon!

“A të qaj 5 minuta”? Vogëlushja më e famshme në Shqipëri shfaqet në ekran

1 min read

Rea Sefa është një vajzë e vogël që arriti shumë shpejt të bëhej e njohur për të gjithë përdoruesit e rrjeteve sociale. Është shumë e vogël për të kërkuar famën, por me siguri ajo është sot një nga vajzat e vogla më të famshme në Shqipëri.

Në fakt, një video e postuar në instagram nga nëna e saj u përhap me shpejtësi, ndërsa shprehja e famshme e Reas: “A të qaj 5 minuta”, u shndërrua në batutë.

Në një situatë familjare, teksa e vogla është duke parë filmin e saj të preferuar, nis të qajë për kalin, që e kapin gjahtarët. E ndërsa e ëma I thotë të mos qajë, ose të mos e vazhdojë ndjekjen e filmit, vajza e vogël i përgjigjet: “A të qaj 5 minuta”.

Kaq ka mjaftuar që videoja të bëhet virale në rrjet, ndërsa vogëlushja Rea ka qenë sot e ftuar në emisionin e pasdites në Top Channel.

Me pafajësinë e moshës ajo ka folur për filmat e sajtë preferuar, personazhet e dashur, por dhe shokët e saj më të mirë. SI të gjitha vajzat e moshës së saj, Rea ka zgjedhur mes personazheve të dashur Borëbardhën, Hirushen dhe Sirenën e vogël./ M.B