Kohanews.com

Ke Çfarë Lexon!

“Nuk ka rëndësi nga je nëse ke talent”, media greke artikull për 3 vajzat e famshme shqiptare (Foto)

2 min read

Tre këngëtaret shqiptare më të njohura aktualisht në botë janë padyshim Rita Ora, Dua Lipa dhe Bebe Rexha. Vajzat shqiptare vijojnë të korrin suksese njëra pas tjetrës, duke tërhequr kështu vëmendjen e të gjithë mediave ndërkombëtare.

Këtë herë një media greke ka vënë në qendër të vëmendjes suksesin e vajzave shqiptare, të cilat e thonë me zë të lartë faktin se janë shqiptare.

Ka qenë “Athens Voice” ajo që ka shkruar një artikull të tërë për vajzat e suksesshme dhe e titullon shkrimin:

“Dua Lipa, Rita Ora, Bebe Rexha: Idhujt botërorë të pop-it nga Shqipëria.”

Media greke gjithashtu flet për shqiptarët në Greqi, dhe thotë se shqiptarët në këtë vend e kanë të vështirë ta pranojnë lirisht prejardhjen e tyre.
“Le te jemi të sinqertë. Ne jetojmë në një vend ku, ndonëse kemi shumë njerëz me rrënjë shqiptare, shpesh ata trajtohen në atë mënyrë që ndjejnë nevojën për të fshehur prejardhjen e tyre. Nuk janë të paktë ata artistë që ndihen se janë në gjendje të thonë publikisht se janë nga Shqipëria, vetëm nëse kanë arritur një sukses të madh që do t’i mbronte ata dështimi profesional për shkak të origjinës”, shkruhet në “Athens Voice”.

“A është ky absolutisht një fenomen grek? Natyrisht, ne nuk mund ta dimë këtë me siguri, por ajo që mund të themi 100% është se në vende si SHBA dhe Britania e Madhe, artistët kanë arritur të bëjnë karriera të jashtëzakonshme dhe të bëhen disa prej emrave më të mëdhenj të industrisë muzikore të botës, jo vetëm duke mos fshehur rrënjët e tyre shqiptare, por vazhdimisht duke folur për to me krenari”, vijon artikulli i shkruar nga Nicoletta Stamatis.

“Në çdo rast ato flasin për origjinën e tyre dhe u japin dashurinë e tyre njerëzve me të cilët ndajnë të njëjtat rrënjë, ndërsa në të njëjtën kohë provojnë se nëse ka talent, nuk ka rëndësi nga ke ardhur dhe si je rritur”, nënvizon ky artikull.

Shkrimi vijon e flet për tre artistet shqiptare, vlerësimet ndërkombëtare që kanë marrë dhe mënyrën sesi vazhdimisht e thonë me krenari që janë nga Shqipëria.