Kohanews

Ke Çfarë Lexon!

Si dukej qeverisja 16-vjeçare e kancelares gjermane

1 min read

Kancelarja gjermane Angela Merkel do të hyjë në historinë politike për shtatë ditë, pas 16 vitesh në pushtet. Media gjermane “BR24” ka dedikuar një video në të cilën ka treguar se si dukeshin ato 16 vite qeverisje.


Gjithçka filloi në vitin 2005, kur gruaja e parë në historinë gjermane u bë kancelare.

“Zoti President, unë i pranoj zgjedhjet”.

Ishte e para nga katër herë që Angela Merkel e shqiptoi këtë fjali para Bundestagut gjerman. Gati 16 vjet në detyrë dhe katër mandate e kanë bërë Angela Merkelin një nga politikanet më jetëgjatë në historinë moderne.

Një grua nga Lindja që udhëhoqi Perëndimin nëpër të gjitha krizat. Doktor i fizikës nga Gjermania Lindore që mbrojti vlerat perëndimore dhe demokracinë liberale. Ajo sundonte në “botën e meshkujve” dhe shikonte se si një nga një ata bëheshin viktima të vendimeve dhe krizave politike dhe u tërhoqën në politikë. Për të, thonë analistët, çdo krizë ishte një mundësi për të konsoliduar pushtetin e saj. Dhe nuk ishin të paktë.

Javët e fundit Angela Merkel u ka thënë lamtumirën zyrtarëve të lartë në botë, por edhe në vendin e saj.

Merkel do t’ia dorëzojë zyrtarisht pushtetin pasuesit të saj Scholz javën e ardhshme, kur përbërja e re e Bundestagut të mblidhet për të zgjedhur një kancelar të ri.