Besart Ibraimi dhe Leard Sadriu shënuan golat në fitoren 2:0 në testin me Bregallnicën në Shtip

vull

Shkëndija fiton ndeshjen e fundit kontrolluese para startit të sezonit të ri, duke mundur 2:0 Bregallnicën në Shtip. Ndeshja nisi me mundësi të vendasve që për pak nuk gjetën epërsinë pas vetëm katër minutave lojë, por u desh një intervenim shumë u mirë i Zahovit dhe më vonë shtylla ishte aleate e tanëve. Shkëndija ngadalë vendosi autoritet në fushë dhe filloi ndërtimin e shanseve me Alimin që solli kanosjen e parë në minutën e 16-të me goditje nga distanca. Bejtullai shkoi pranë golit me goditje me kokë pas harkimit të Ahmedit nga këndi, ndërsa në minutën e 21 përfitojmë nga një gabim i vendasve me Zejnullain që bllokohet në situatë u gjet në pozitë shumë ideale, ndërsa në vazhdim e majta e Dorievit nuk gjeti portën. Tentimin e fundit për gol në pjesën e parë e solli Totre me goditje nga distanca, por pa mundur të gjejë kuadrantin.

Fillimi i pjesës së dytë solli epërsi për kuqezinjtë që shfrytëzojnë një pakujdesi të vendasve kur portieri pranon me duar topin e kthyer nga bashkëlojtari. Pas kombinimit të shkurtër nga goditja indirekte, Besart Ibraimi nga 6-7 metra godet saktë në rrjetë për epërsi 1:0. Pak pas golit trajneri Gjoka bëri 6-të zëvendësime, mes tjerëve duke i dhënë shansin të debutojë përforcimit të fundit, Bruno Dita. Vendasit shkuan pranë barazimit në minutën e 76-të kur një harkim i mirë pritet nga Naumov, por goditje e tij me kokë shkoi skaj shtyllës. Dy minuta më vonë pas një këndoreje Krivak me kokë nuk gjen kuadrantin. Insistimi në sulm do të jepte rezultat tetë minuta para fundit kur harkimi i Nafiut gjen në zonë Sadriun, i cili me kokë shënon për 2:0.

Kështu Shkëndija fiton edhe ndeshjen e fundit kontrolluese para startit të sezonit të ri që nis fundjavën e ardhshme në transfertën me Shkupin.

BREGALLNICA-SHKËNDJA 0:2 (0:0)
Stadiumi i qytetit në Shtip
Golashënues:
 Ibraimi 58′ dhe Sadriu 82′ (Shkëndija)
SHKËNDIJA: Zahov, Aliti, Bejtullai (c), Sadriu, Murati, Zejnullai, Totre, Alimi, Doriev, Ahmedi, Ibraimi.
Luajtën edhe: Neziri, Nafiu, Es Sahal, Rexhepi, Dita, Ramadani, Imeri, Krivak, Elezi, Luma.
Trajner: Ernest Gjoka

Next Post

Qytetarët po kërkojnë tërheqjen e vendimit për rritjen e çmimit të energjisë elektrike

Revolta e qytetarëve dita ditës po rritet pasi Komisioni Rregullator i Energjisë dje rriti çmimin e energjisë elektrike me 7.4%. Të gjithë janë mobilizuar. Qytetarët në rrjetet sociale kanë nisur një peticion në internet për të hequr rritjen e energjisë elektrike, uljen e TVSH-së në energji elektrike nga 18% në […]

Subscribe US Now

%d bloggers like this: