Banka Qendrore e Turqisë ka kryer mbrëmë transaksionet e para me lira dixhitale turke, shkruan gazeta Hurriyet, duke cituar një deklaratë të Bankës Qendrore.
Në kuadër të fazës së parë të punës së projektit Digital Lira Turke, u përfunduan me sukses transaksionet e para të pagesave.
“Në tremujorin e parë të vitit 2023, banka do të vazhdojë me ato studime pilot të kryera së bashku me palët e interesuara në fushën e teknologjisë”, thuhet në një deklaratë të Bankës Qendrore.
Në vitin 2023, një numër i madh bankash turke dhe kompanish të teknologjisë financiare pritet t’i bashkohen platformës së krijuar të lirës dixhitale.