Vendet që “ngacmuan Ukrainën” do të mbajnë përgjegjësi pas përfundimit të luftës, paralajmëroi ministri i Jashtëm ukrainas Dmytro Kuleba. Në një intervistë me BBC , ai tha se zgjedhjet e bëra nga çdo komb pas një pushtimi në shkallë të plotë të Rusisë do të “merren parasysh në ndërtimin e marrëdhënieve të ardhshme”. Ai paralajmëroi gjithashtu se vonesa në dërgimin e armëve nga Perëndimi po u kushton jetën ukrainasve.
Kuleba foli gjithashtu për mënyrën se si ai beson se lufta do të përfundojë, rolin e Kinës në luftë dhe zhgënjimin e tij që Papa Françesku nuk e ka vizituar ende vendin e tij gjatë kohës së luftës.
Edhe pse Ukraina mori mbështetje ushtarake dhe ekonomike nga fuqitë perëndimore pas pushtimit rus, shumë vende në Afrikë, Azi dhe Amerikën e Jugut heshtën. Disa janë historikisht dashamirës ndaj Rusisë, disa janë të shqetësuar për kostot ekonomike të luftës dhe të tjerë besojnë se Perëndimi po i zgjat në mënyrë të panevojshme luftimet.
Por Kuleba e bëri të qartë se vendet që dështuan ta mbështesin Ukrainën tani – ato, siç tha ai, që “u sollën keq gjatë kësaj lufte dhe e keqtrajtuan Ukrainën” – do të paguajnë një çmim në të ardhmen.
Ukraina mund të jetë e varur nga ndihma perëndimore dhe mbështetja ushtarake në periudhën afatmesme dhe afatgjatë, kështu që mosmiratimi i saj diplomatik mund të mos shqetësojë disa vende. Por në kohë paqeje, eksportet e mëdha të grurit të Ukrainës i japin asaj një levë të konsiderueshme ekonomike, veçanërisht në pjesë të botës në zhvillim.
“Nëse dikush në botë mendon se mënyra se si u soll ky apo ai vend – ose e trajtoi Ukrainën në momentin më të errët të historisë së saj – nuk do të merret parasysh në ndërtimin e marrëdhënieve të ardhshme, këta njerëz thjesht nuk e dinë se si funksionon diplomacia,” ai tha ai.