Visar Krasniqi, heroi i Malishevës, përkujtohet nga Arben Fetahi
Sot, Zëvendës-Kryeministri Arben Fetai bëri homazhe në fshatin Hotël, duke nderuar dhe kujtuar dëshmorin e kombit, Visar Krasniqi.
Visar Krasniqi, nga Drenoci i Malishevës, la pas ëndrrën për t’u bërë mjek dhe iu përkushtua lirisë si ushtar i UÇK-së. Ai u dallua në frontet e Sllupçanit, Mateçit dhe vendeve të tjera, duke u bërë frymëzim për bashkëluftëtarët.
Më 2 qershor, në betejën e Mateçit, një plumb snajperi ndërpreu jetën e tij, por përkushtimi dhe sakrifica e tij vazhdojnë të jenë pjesë e historisë sonë kombëtare.
Zëvendës-Kryeministri Fetahi shprehu nderim dhe respekt të përjetshëm për veprën e Visar Krasniqit, për të gjithë dëshmorët e kombit, veteranët e UÇK-së dhe familjet e tyre.
