VLEN vazhdon me trajnimet për të rinjtë në Shkollën Politike

Në kuadër të aktiviteteve të saj për edukimin dhe fuqizimin e të rinjve, dje u zhvillua sesioni i dytë i Shkollës Politike, organizuar nga VLEN.

Sesioni nisi me një ligjëratë nga Prof. Mentor Beqa, ku u diskutua në thellësi mbi ideologjitë politike, me fokus të veçantë konservatorizmin. Beqa theksoi se konservatorizmi nuk duhet parë thjesht si një ideologji politike, por si një botëkuptim i veçantë mbi realitetin shoqëror, me dimensione të dallueshme ontologjike dhe epistemologjike.

Në vijim, Prof. Dorajet Imeri udhëhoqi një punëtori interaktive, duke vënë theksin te roli i komunikimit publik në ndërtimin e një kauze të qëndrueshme dhe një diskursi politik të strukturuar.

VLEN mbetet e përkushtuar në përgatitjen e gjeneratës së re të liderëve politikë dhe shoqërorë, përmes krijimit të hapësirave për edukim cilësor, angazhim aktiv dhe zhvillim të aftësive udhëheqëse.