Kryetari i Kuvendit Talat Xhaferi në një prononcim për MPB-në sot thotë se do të thërrasë mbledhjen e lidershipit për të rënë dakord për datën e zgjedhjeve presidenciale dhe parlamentare vetëm nëse kryetarët e partive politike do të pajtohen për këtë, duke paralajmëruar se nëse ka bisedimet, ato duhet të përfundojnë jo më vonë se fundi i vitit. Gjithçka pas kësaj do të nënkuptojë ecurinë e afateve dhe procedurave të parashikuara me ligj dhe Kushtetutë për zgjedhjet e rregullta.
– Së pari dhe më e rëndësishmja, pyetja nuk është nëse Kryetari i Kuvendit do të thërriste një mbledhje lidershipi apo jo. Mendoj se është më e përshtatshme të pyesim liderët e partive politike nëse do t’i përgjigjen një ftese të mundshme dhe nga kjo varet e gjithë procedura e mëtejshme. Do të ishte më e përshtatshme që fillimisht të kishim informacion për vullnetin e liderëve për të ardhur në Kuvend. Sa më përket mua, nuk ka problem që të plotësohet ai vullnet, thotë Xhaferi.