Epopeja e UÇK-së: Përjetësimi i sakrificës për liri dhe unitet kombëtar
Në fjalimin e tij, Kryeministri theksoi se Epopeja e UÇK-së ka vetëm një adresë: lirinë nga pushtuesi serb, dhe vetëm një horizont: bashkimin kombëtar. Ai rikujtoi se sakrifica e familjes Jashari dhe të gjithë dëshmorëve është themeli mbi të cilin është ndërtuar shteti i Kosovës, dhe se mbajtja e këtij ritmi është përgjegjësi historike për të gjithë. Ai vuri në dukje se çdo përpjekje për të devijuar nga ky përcaktim është një përpjekje për të minuar të ardhmen e Kosovës dhe të shqiptarëve në rajon.
Gjithashtu, ai potencoi se qeveria mbetet e përkushtuar ndaj zhvillimit dhe forcimit të sovranitetit të vendit, duke e lidhur këtë me luftën kundër korrupsionit dhe krimit të organizuar, të cilat kanë minuar për një kohë të gjatë shtetndërtimin. Në këtë kontekst, ai theksoi se Prekazi nuk është vetëm një simbol i Kosovës, por i gjithë kombit shqiptar dhe popujve liridashës anembanë botës, duke e cilësuar atë si një moment sublim të historisë sonë, që nuk duhet të korruptohet apo të përvetësohet nga askush.
