Partitë kombëtare dominojnë zgjedhjet lokale në BeH

Sipas rezultateve të para preliminare të zgjedhjeve lokale në BeH, partitë më të mëdha politike kombëtare në vend arritën të ruajnë kontrollin mbi shumicën e bashkive dhe qyteteve, por disa prej tyre nuk arritën qëllime të rëndësishme zgjedhore.

Sipas të dhënave që presidenti i HDZ-së, Dragan Çoviq, prezantoi në selinë e partisë në Mostar, partia ia arriti qëllimet e saj zgjedhore.

Kryetari i HDZ 1990 Ilija Cvitanoviq deklaroi se partia e tij do të përfaqësohet në të gjitha këshillat komunale në të gjitha vendet ku ka kandidatë.

Sarajeva dominohet nga tre partitë që përbëjnë bllokun boshnjako-civil në koalicionin aktualisht në pushtet në Bosnje dhe Hercegovinë dhe kanë arritur të ruajnë disa bastione kyçe si Tuzla.

Partia Narod i Pravda (NiP), e udhëhequr nga Elmedin Konakoviç, Ministër i Punëve të Jashtme të Bosnjë-Hercegovinës, gjithashtu mbajti pozitat e saj drejtuese dhe fitoi disa të reja, duke parë një rritje të madhe të popullaritetit.

Kreu i SDP-së Nermin Nikshiq tha se partia nuk është e kënaqur me rezultatet e arritura.

Kryetari i SDA-së, Bakir Izetbegoviq, tha se krahasuar me zgjedhjet e katër viteve më parë, partia e tij ka marrë tetë poste të reja kryesuese dhe ka pohuar se partia e tij edhe pse nuk ka poste kryesuese në komunat që përbëjnë qytetin e Sarajevës, ajo ka panë një “rritje të fortë” të numrit të këshilltarëve në këshillat bashkiakë.

Në Republika Srpska, zëdhënësi i Unionit të Social Demokratëve të Pavarur (SNSD), Radovan Kovaçeviç, tha mbrëmë se kandidatët e partisë fituan në 47 komuna në zgjedhjet lokale të njësisë dhe në tre të tjera me partnerët e koalicionit.