BDI: Burim Latifi nga MEPSO ka firmosur blerjen e një lule për 9.000 denarë

Është e papranueshme që drejtori i MEPSO-s të përpiqet të shmangë përgjegjësinë për një veprim të tillë skandaloz, duke ia hedhur fajin drejtimit të mëparshëm, kur ne kemi prova të qarta se ai vetë ka nënshkruar kontratën.

Nuk bëhet fjalë vetëm për një akt të rëndë keqpërdorimi të fondeve publike – 150 euro për një lule është një shpenzim i tmerrshëm, që për shumë familje përfaqëson shpenzimet e një muaji të tërë jetese – por edhe për një përpjekje të paskrupullt për të mashtruar opinionin publik.

Këta njerëz jo vetëm që bëjnë shpenzime të papërgjegjshme me paratë e qytetarëve, por gënjejnë për të mbuluar gjurmët e tyre.

Në vazhdim ua sjellim edhe fotografinë nga dokumenti.