Serbia e shpalli Kosovën zonë me mbrojtje të veçantë, Kurti: Ky është akt armiqësor
Kryetari i Qeverisë së Kosovës, Albin Kurti, ka deklaruar se vendimi i Qeverisë së Serbisë për shpalljen e Kosovës zonë me mbrojtje të veçantë është akt armiqësor. Vendimi i qeverisë serbe nënkupton ndihmë të veçantë për serbët e Kosovës.
Ai në një konferencë për media në Prishtinë ka folur për draft-statutin për Bashkësinë e Komunave Serbe, gjegjësisht, siç tha ai, ka ofruar që të shkruhet ai dokument, por i është thënë se duhet ta bëjë një ekip menaxhues.
“Unë jam kryeministër i një republike demokratike dhe kryeministrat nuk formojnë bashkësi komunash. Kemi një komunitet të komunave të Kosovës. Nëse duan një tjetër, atë çështje duhet ta hapin komunat. Nëse do ta bëja do të ishte imponim”, tha Kurti.
Duke folur për Marrëveshjen Themelore me Serbinë, Kurti akuzoi Beogradin për shkelje të disa neneve të marrëveshjes.
