Alternativa: Reagim me shkrim ndaj konferencës për shtyp të Blerim Bexhetit nga BDI

Menduam se Blerimi ishte angazhuar vetëm për Danelën dhe marrëveshjeve të errëta në Qytetin e Shkupit, nuk e dinim që Artani dhe Përparimi e kishin futur edhe në bizneset e kazinove. Presi i sotëm patetik tregon se: Së pari, Artani dhe Përparimi kanë frikë se do të mbajnë përgjegjësi për keqpërdorimet në Lotarinë Shtetërore dhe për këtë arsye e kanë lënë Blerimin të akuzojë për një gjoja krim që është bërë kur Ahmeti ishte në koalicion me Gruevskin dhe Mijalkovin.

Ata thjeshtë po e plagosin vetën në këmbë. Së dyti, kur Blerimi akuzon për marrëdhënie me kompani serbo-bullgare, në fakt flet për marrëdhëniet e Artanit dhe Përparimit me lojërat e bixhozit të nëntokës serbe dhe bullgare, të cilat, sipas interpretimit autentik, i ndërprenë fluksin e parave të zeza që merrnin rregullisht.
Prandaj, ata janë të nervozuar. Së fundi, koalicioni VLEN doli me një plan konkret për përballimin e pasojave të dëmshme nga lojërat e fatit, i cili tashmë është në zbatim. Në sajë të atij plani ne hoqëm lojërat e fatit nga shtëpitë e qytetarëve duke mbyllur katër kompani të cilave Artani dhe Përparimi u dhanë pa bazë licencat e lojërave të fatit në internet. Do të ketë një pastrim të plotë të keqpërdorimeve të Lotarisë, drejtësi për të gjithë ata që kanë rënë në kundërshtim me ligjin, dhe një ligj i ri i lojërave të fatit që do ta përgjysmojë numrin e kazinove.