Kuqezinjtë presin të shtunën AP Brera-n në Tetovë në kërkim të tre pikëve për të kapur kreun e renditjes.

Ndeshja:

Shkëndija vs AP Brera

Liga e Parë, xhiroja e katërbëdhjetë

Stadiumi i qytetit në Tetovë

E shtunë, 9 nëntor, ora 13:00

Pas barazimit 0:0 me Rabotniçkin në Shkup, kuqezinjtë kthehen në Tetovë për të kërkuar fitoren për të mbajtur hapin me kreun e tabelës. Kjo ndeshje është mundësi për Shkëndijën të krijojë një atmosferë pozitive para pauzës dyjavore, e cila vjen për shkak të angazhimeve ndërkombëtare të ekipeve përfaqësuese.

Skuadra

Fiton Ademi është rikthyer në skuadër pas dëmtimit në kofshë që e la jashtë në ndeshjen kundër Besës. Besart Ibraimi dhe Valon Ahmedi vazhdojnë rikuperimin e tyre dhe nuk janë ende gati për të luajtur, ndërsa Daouda Bamba mbetet i padisponueshëm për një periudhë më të gjatë.

Rivalët

AP Brera vjen nga një sezon me rezultate të paqëndrueshme dhe renditet në vendin e 8 me 15 pikë nga 13 ndeshje (4 fitore, 3 barazime, 6 disfata). Në përballjen e parë mes dy skuadrave në Strumicë, Shkëndija triumfoi 2:0 me dy gola të Fiton Ademit.

Transmetimi

Ndeshja do të transmetohet drejtpërdrejt në Shkëndija Channel (YouTube) të shtunën, duke filluar nga ora 13:00.

Shkëndija synon të kapitalizojë këtë mundësi për të fituar dhe për të mbajtur presionin ndaj pozicioneve të larta të renditjes.