LSH: Derbi është në Mynih, Bayern pret PSG-në
Sot fillon xhiroja e pestë e Champions League dhe dueli më interesant është mes skuadrave të Bayern Munichut dhe PSG-së, Barcelona pret surprizën më të madhe deri më tani, skuadrën e Brestit, ndërsa Arsenali është mysafir në Sporting, i cili do të jetë pa Ruben. Amorim për herë të parë.
PSG-ja e nisi keq sezonin në Champions League, në katër xhirot e para ka vetëm një fitore dhe skuadra e Luis Enrique-s do ta ketë të vështirë ta rregullojë atë në Mynih ndaj Bayernit.
Nuk shkëlqejnë as bavarezët, por kanë grumbulluar më shumë pikë, pas katër ndeshjeve kanë dy fitore dhe dy humbje. Pikët janë të rëndësishme për të dyja skuadrat.
Barcelona mirëpret skuadrën e Brest-it, e cila është surpriza më e madhe e deritanishme në Champions League. Skuadra franceze është në vendin e katërt të lartë me vetëm dy pikë të humbura nga 12 të mundshme.
Katalanasit presin që ata të jenë skuadra që do t’i shkaktojë Brestin humbjen e parë në Champions League këtë sezon.
Do të jetë interesante të shihet se si do të vazhdojë Sportingu pa trajnerin e tyre Ruben Amorim, i cili u largua për në Manchester United. Skuadra portugeze, falë ekspertizës së Amorimit, është në vendin e dytë fantastik në tabelë dhe sfida e parë pa strategun e madh është skuadra e Arsenalit.
Duhet të jetë emocionuese edhe në Milano ku Interi pret Leipzigun. Për skuadrën gjermane nuk do të luajë Elmas, i cili mungon për shkak të dëmtimit.
Ndeshjet e sotme të Champions League:
Slovan Bratislava – Milan
Sparta Prague – Atletico Madrid
Barcelona – Brest
Bayer Leverkusen – Salzburg
Bayern – PSG
Inter – Leipzig
Manchester City – Feyenoord
Sporting – Arsenal
Young Boys – Atalanta
