Nikolloski: Nga janari paketë e re prej 250 milionë eurove të mbështetjes së qeverisë, që komunat të përgatisin projekte të reja

Nga fillimi i vitit të ardhshëm komunat duhet të fillojnë me përgatitjen e projekteve për infrastrukturë që do të financohen nga pakoja e re prej 250 milionë euro, mbështetje për komunat, tha zëvendëskryeministri dhe ministri i Transportit, Aleksandar Nikoloski.

Ai ka theksuar se nga mbështetja e qeverisë prej 100 milionë eurosh, një pjesë e madhe e komunave tashmë kanë shpallur tenderë për projektet e dorëzuara dhe pritet që muajin e ardhshëm të fillojnë të realizohen.

-Shumica e komunave që kanë marrë mjete nga Qeveria dhe shumica përmes Ministrisë së Transportit kanë bërë thirrje për prokurim publik dhe janë aktive në këtë moment. Presim që në fillim të dhjetorit të kenë zgjedhur kontraktorët dhe nëse moti nuk është i mirë, të fillojnë punën në dhjetor.
E shihni se ne po prezantojmë metoda inovative të punës, për shembull në autostradën Ohër-Kërçovë do të punohet gjatë gjithë dimrit përmes të ashtuquajturit asfaltim dimëror. Pra, me metoda të ngjashme inovative pres që komunat të punojnë gjatë dimrit dhe t’i shohin shpejt rezultatet dhe që nga janari të përgatiten për një paketë të madhe prej 250 milionë eurosh për projekte, theksoi zëvendëskryeministri dhe ministri i Transporteve. Aleksandar Nikoloski.