Gjykata Kushtetuese do të shqyrtojë Ligjin për Gjuhët

Gjykata Kushtetuese sot do të mbajë një seancë për iniciativat për vlerësimin e kushtetutshmërisë dhe ligjshmërisë së Ligjit për përdorimin e gjuhëve në lidhje me Dekretin për shpalljen e tij, për Ligjin si tërësi, si dhe për secilën nga 25 nenet e ligjit veç e veç, transmeton KohaNews.

Në vitin 2019, kur në të vërtetë hyri në fuqi, ligji u kontestua me 12 iniciativa para Gjykatës Kushtetuese. Gjykatësit kushtetues i bashkuan ato në një çështje që është në rendin e ditës të seancës së sotme.

Një nga aspektet që u kontestua ka shkaktuar reagime edhe nga bashkësia ndërkombëtare dhe nga Komisioni i Venecias, është zbatimi i ligjit në procedurat gjyqësore. Komisioni i Venecias në vitin 2019 vuri në dukje gjithashtu se Ligji për gjuhët nuk është i qartë se cilat dispozita vlejnë vetëm për gjuhën shqipe dhe cilat, gjithashtu, edhe për gjuhët e tjera të grupeve etnike.

Partia opozitare shqiptare BDI, para seancës, ka filluar “rojen për gjuhën” me prani të vazhdueshme para Gjykatës Kushtetuese, duke thënë se kjo është një mbrojtje për “Ligjin për gjuhët”.

Kryetarja Gordana Sijanoska Davkova u bëri thirrje liderëve partiakë që të ndalojnë komentet para vendimit të Gjykatës Kushtetuese në lidhje me Ligjin për gjuhët, ndërsa kryeministri Kristian Mickoski bëri thirrje për qytetarët që të mos bien pre e provokimeve nga BDI./kohanews