Bullgaria dhe Greqia do të heqin kontrollin në kufirin e përbashkët tokësor

Bullgaria dhe Greqia ranë dakord për të hequr plotësisht kontrollin kufitar midis dy vendeve. Vendet fqinje dhe anëtare të BE janë të gatshme për ta bërë këtë më 1 janar 2025, pasi drejtuesit e policisë u takuan në kalimin më të madh kufitar të përbashkët “Kulata-Promahon”. Heqja e plotë e kontrollit kufitar midis Bullgarisë dhe Greqisë do të bëhet fakt nëse të enjten, në takimin e Këshillit të BE për Drejtësi dhe Punë të Brendshme në Bruksel, ministrat e punëve të brendshme të shteteve anëtare shpallin hyrjen e Sofisë dhe Bukureshtit në Zonën Shengen dhe përmes tokës. Pritshmëritë janë që kjo të ndodhë pa asnjë problem, pasi vetëm dy ditë më parë Austria njoftoi se e ka hequr zyrtarisht veton.

Tema e kufijve është pika e parë në takimin e ministrave, dhe në propozimin e vendimit, i miratuar unanimisht nga ambasadorët e shteteve të BE-së në fund të nëntorit, shkruhet se kontrollet do të anullohen nga 1 janari i vitit të ardhshëm, raporton “Sega”.