Wizz Air do të hapë bazën e saj në rajon: Ja cila shtet është futur në negociata serioze

Valentina Kecman, drejtoresha e aeroportit në Banja Luka, ka deklaruar se aeroporti është në negociata shumë serioze me Wizz Air për hapjen e bazës në Banja Luka, çka do të nënkuptonte më shumë fluturime dhe linja, raporton Zamaero.

Këto nuk janë më bisedime paraprake, por negociatat kanë hyrë thellë. Negociatat me Wizz Air kanë zgjatur për një kohë të gjatë dhe datojnë që nga Milan Raçiç, ndërsa janë udhëhequr nga Natalija Triviç.

Wizz Air i ka kërkuar Banja Lukës që të transferojë fluturimet nga Tuzla në Banja Luka në fillim të orarit të fluturimeve të dimrit të këtij viti, kur në Tuzla kishte shumë ditë me mjegull. Kujtojmë se Wizz Air kishte baza në Tuzla dhe Sarajevë, por i mbylli të dyja.

Aeroporti i Banja Lukës në nëntor ka shërbyer 31,360 pasagjerë (20,488 në nëntor/2023). Kështu më në fund u ndal trendi negativ i numrit të pasagjerëve në këtë aeroport. Kjo pritej duke marrë parasysh numrin e fluturimeve shtesë këtë dimër. Numri i pasagjerëve është rritur për pothuajse 50% krahasuar me vitin e kaluar.

Banja Luka që nga fillimi i vitit ka pasur 366,318 pasagjerë, dhe deri në fund të vitit do të ketë afër 400,000 pasagjerë.