Ndalim i trafikut për kamionë në rrugën Strugë – KK QafëThanën
Nga ora 14:30 është vendosur ndalim për trafikun e automjeteve të rënda në rrugën Strugë – kalimi kufitar Qafasan, informon NP Makedonijapat.
Ndërmarrja publike njoftoi më parë se ndalesat për kamionët janë vendosur për arsye parandaluese në rrugët Gostivar – Mavrovë – Dibër, Gostivar – Strazhë – Kërçovë, në kalimet malore Presekë, Pletvar, Gjavato, në rrugën Brod i Maqedonisë – Prilep përmes kalimit malor Barbaros dhe nga Dellçeva deri te KP Dellçevë.
NP Makedonijapat më parë njoftoi se është lëshuar për qarkullim për automjetet e rënda rruga Deve Bair – Kriva Pallankë.
– Trafiku në rrugët shtetërore po zhvillohet në kushte dimri me sipërfaqe të lagura dhe me mbetje të borës së shkrirë mbi sipërfaqe pas intervenimit të ekipeve tona në terren, njoftoi NP Makedonijapat.
Ndërmarrja publike shtoi se me të gjithë mekanizmat dhe fuqinë punëtore në dispozicion janë përfshirë në pastrimin e rrugëve, ndërsa ekipet kujdestare janë vazhdimisht në terren dhe i mbajnë të kalueshme të gjitha rrugët.
